१२ जेठ, काठमाडौं । त्रिवि क्रिकेट मैदानको सम्झौताबारे त्रिभुवन विश्वविद्यालयले नेपाल क्रिकेट संघ (क्यान)सँग छलफल गरी सम्झौता थप गर्ने प्रक्रिया अगाडि बढाएको छ ।
क्रिकेट मैदानको अर्काे व्यवस्था नभएसम्म प्रतियोगिता आयोजना गर्न दिने गरी सहमतिको तयारी भएको त्रिविका रजिस्ट्रार महानन्द चालिसेले जानकारी दिए ।
‘क्रिकेट मैदानलाई सरकारले राष्ट्रिय गौरवको आयोजनामा राखेको छ । विश्वविद्यालय र क्यान बसेर छलफल गर्छाैं । तर, अब लामो समयको लागि सम्झौता हुँदैन’ उनले भने, ‘छोटो समयका लागि कसरी जाने क्यान प्रतिनिधि बोलाएर कुराकानी गर्छाैं ।’
त्रिविको सामान्य प्रशासन महाशाखाले जग्गा अतिक्रमण गरी बसेका १८ संघसंस्था र संगठनलाई ४ वैशाखमा ३५ दिने सूचना जारी गरेको थियो । त्यसमा क्यान पनि थियो ।