सेयर गर्नुहोस्
दमक, ३ जेठ
दमक प्रहरीले सुनजस्तै पहेँलो धातु देखाएर ठगी गर्दै हिँड्ने एकजना युवालाई पक्राउ गरेको छ ।
जिल्ला प्रहरी कार्यालय झापाका अनुसार पक्राउ पर्नेमा मोरङ उर्लाबारी नगरपालिका वडा नम्बर ५ क्षेत्रीबाहुन टोलका ३० वर्षीय सञ्जीत शर्मा रहेका छन् ।
हिजो दिउँसो पक्राउ परेका शर्माका साथबाट सुनजस्तो देखिने पहेँलो धातु ५६.३१० ग्राम पनि प्रहरीले बरामद गरेको छ ।शर्माले दमक हाट बजारको क्षेत्रमा ज्येष्ठ नागरिक र महिलाहरूलाई शर्माले विभिन्न मितिमा सुनजस्तो पहेलो धातुको टिल देखाई नगद तथा महिलाहरुले लगाएका सुनका गहनासँग सट्टापटा गर्ने गरेको प्रहरीले जनाएको छ ।
प्रहरीले उनलाई दमक-६ पशुहाटबाट पक्राउ गरी आज झापा जिल्ला अदालतबाट ठगी कसुरमा म्याद थपको लागि कानुनी प्रक्रिया सुरु गरेको छ ।
