मिक्लाजुङबाट हतियार सहित एक पक्राउ

सेयर गर्नुहोस्
  • 39
    Shares

मधुमल्ला, मंसीर ९
मोरङ प्रहरीले मिक्लाजुङ–१ सिलिलिङका अमृतबहादुर श्रेष्ठलाई हतियारसहित पक्राउ गरेको छ ।

जिल्ला प्रहरी कार्यालयबाट गस्तीमा खटिएको टोलीले हिजो दिउँसो अरुण भनिने ५८ वर्षीय अमृतलाई घरबाटै पक्राउ गरेको हो । श्रेष्ठले आफ्नै घरमा हतियार लुकाईछिपाई राखेको भन्ने विशेष सुराकका आधारमा उनको घरमा खानतलासी गर्दा टोटा बन्दुक १ थान, खोका ३ थान र ५०० ग्राम बारुदसमेत फेला पारी बरामद गरेको हो ।

हतियारसहित पक्राउ परेका श्रेष्ठउपर हातहतियार खरखजना मुद्दामा कानुनी कारवाही अगाडि बढाइएको जिल्ला प्रहरी कार्यालय मोरङले जनाएको छ ।