बिर्तामाेडकाे लकडाउन खुल्याे

सेयर गर्नुहोस्
  • 10
    Shares

झापा, साउन २५

बिर्तामोड नगर क्षेत्रमा जारी लक डाउन हटाइएको छ। आइतबार रातिदेखि लक डाउन खुला गर्ने निर्णय भएको बिर्तामोड नगरपालिकाकी उपप्रमुख पवित्रा महताराले जानकारी दिइन् ।

समुदायमा कोरोना भाइरसको संक्रमण बढेको आशंका गर्दै बिर्तामोड नगरपालिकाले साउन १८ गतेदेखि लक डाउन गर्ने निर्णय गरेको थियो । समुदायका एक हजार नागरिकको स्वाब परीक्षण गरेर मात्रै बिर्तामोड नगरपालिकाले बन्दा बन्दी खोल्ने निर्णय गरेको हो ।

सम्भावित जोखिम कायमै रहेपनि आवश्यक स्वास्थ्य  सुरक्षा सतर्कतासहित लक डाउन खोल्ने निर्णय भएको उपप्रमुख महताराले बताइन् । लक डाउन खुलेसँगै सोमवारदेखि बिर्तामोड बजार खुल्ने छ । बिर्तामोडमा आजसम्ममा २२ सय ४३ को पिसिआर परीक्षण गरिएको, जसमा १५ सय ४ जनाको रिपोर्ट आएकोमा १० जनामा मात्र कोरोनाको संक्रमण पुष्टि छ । जसमध्ये ८ जना उपचारपछि घर फर्किसकेका छन् भने २ जना उपचाररत छन् । ७ सय ३९ जनाको रिपोर्ट आउन बाँकी रहेको जनाइएको छ । लकडाउनको अवधिमा नगरपालिकाले नगरबासीहरुको स्वास्थ्य सुरक्षामा ध्यान दिदैं बिशेषगरी अग्रभागमा रहेर काम गर्ने स्वास्थ्यकर्मी, सुरक्षाकर्र्मी, नगरका प्रहरी, जनप्रतिनिधि, संचारकर्मी, औषधि ब्यवसायी, बैक तथा बित्तीय संस्थाका कर्मचारी र संक्रमित ब्यक्तिहरुको सम्पर्कमा आइ जोखिममा परेका ब्यक्तिहरुको मास स्क्रिनिंग गरिएको नगर प्रमुख शिवाकोटीले जनाएका छन् ।

Leave a Reply

Your email address will not be published.